Plan estrategikoa eta plangintza estrategikoa

Plangintza estrategikoa enpresa edo beste erakunde batek epe luzera ezarritako helburuak lortzearren egindako analisia, hartutako erabakiak eta horietan zehazturiko ekintzak dira, inguruneak eskaintzen dituen aukerak aprobetxatuz eta horretara moldatuz (ikus, gainera, estrategiak enpresan). Plangintza estrategikoa garatzeko oinarrizko tresna AMIA analisia da, enpresaren aukerak, mehatxuak, indarguneak eta ahuleziak bilduz, enpresaren eta bere ingurunearen diagnostikoa egiten duena, ondoren abantaila konpetitiboa lortze aldera lehia-estrategiak, politikak eta programak diseinatzerren. Plan estrategikoa analisi, erabaki eta ekintza horiek (programa, politika eta plan operatiboak) jasotzen dituen agiria da.

Plangintza estrategikoa etorkizunari aurre egiteko modu bat dela esan behar da, hura aurreikusi baino, etorkizuna nolakoa izatea nahi den zehaztuz eta horretarako bideak jarriz.

Ikus, gainera

• Negozio-unitate estrategikoak
• Aliantza estrategikoak
• Helburu estrategikoak
• Faktore lehiakorrak
• Apustu estrategikoa
• Merkatu-azterketa