Ratioak (kontabilitatea)

Ratioak enpresa bateko ondare masa edo bestelako kontabilitate kontzeptuen arteko zatidurak dira, enpresaren egoeraren berri ematen dutenak, ikuspuntu finantzario nahiz ekonomiko batetik.

RATIO GARRANTZITSUENEN ZERRENDA

Likidezia ratioak

• Erabilgarritasun ratioa (berehalako likidezia): erabilgarria/pasiko korrontea, balio egokiena 0.3 izanik orokorrean.
• Diruzaintza-ratioa (acid test, likidezia azkarra): (erabilgarria+bihurgarria)/pasibo korrontea edo (aktibo korrontea-izakinak)/pasibo korrontea. Balio egokiena 1 baino handiagoa izan behar da. 0.8tik behera, enpresa ordainketa-etendura arriskuan dago.
• Likidezia ratioa (likidezia orokorra): (aktibo korrontea/pasibo korrontea), 1 baino handiagoa da egokiena.
• Ibilgetu-ratioa: aktibo ez-korrontea/(ondare garbia+pasibo ez korrontea), 1 baino txikiagoa izan behar da.

Azken bi ratioak, likidezia-ratioa eta ibilgetu-ratioa maniobra-funtsarekin daude loturik. Ratio horiek balio egokia hartzen dutenean, maniobra-funtsa positiboa da, eta beraz enpresak likidezia du.

Kaudimen ratioak

• Finantza autonomiaren ratioa: ondare garbia/pasibo osoa, 0.8-1.5 bitartekoak izanik balio egokienak.
• Bermearen ratioa: aktibo osoa/pasibo osoa, 1 baino handiagoa izan behar da eta balio egokienak 1.7 eta 2 bitartean daude. 1 baino txikiagoa bada, enpresa porrot egoeran dago.
• Zorpetze osoaren ratioa: pasibo osoa/ondare garbia, 0.5-1.2 bitartean izan behar da.

Bestelakoak

• Zorraren kalitatea, (pasibo korrontea/pasibo osoa edo galdagarria), 0.2-0.5 bitartean izan behar da.