Erabilgarritasun-ratioa, berehalako altxortegiaren ratioa edo berehalako likideziaren ratioa, enpresaren berehalako likidezia, zorrak ordaintzeko berehalako ahalmena alegia, aztertzeko erabiltzen den kontabilitate-ratioa da. Honela kalkulatzen da:

$$Erabilgarritasuna=\cfrac{Erabilgarria}{Pasibo\ korrontea}$$

Gogoratu behar da**erabilgarriak** eskudirua eta berehala erabiltzeko saldoa duten banku-kontuak biltzen dituela.

Erabilgarritasun-ratioaren balio optimoak 0.25-0.3 ingurukoak izaten dira. Hortik behera enpresak arazoak izan ditzake berehalako zorrak ordaintzeko. Hortik gora berriz, enpresak gehiegizko likidezia luke, eta ondorioz eskura dituen berehalako finantza-baliabideak (eskudirua) alferrik galtzen ari dela, inbertitu gabe eta hortaz geldirik, adieraziko luke.

Hala ere, egun gutxi dira 0.25-0.3 balioetara heltzen diren enpresak, eta areago, enpresa gehienek 0 inguruko balioa dutela esan daiteke, berehalako zor eta obligazioak ordaintzeko kreditu-kontu bat erabiltzen dutelako. Horregatik, egokiagoa izan daiteke erabilgarritasun-ratioa kalkulatzean, erabilgarriaz gainera, erabili gabeko kreditua ere jasotzea.** Beste hizkuntzetan: **gaztelaniaz, ratio de disponibilidad.

Ikus, gainera

• Likidezia-ratioa

• Altxortegi-ratioa Erreferentziak

• https://raimon.serrahima.com/una-propuesta-sobre-la-ratio-de-disponibilidad/