Agian, paramentua (arkitektura) bilatzen ari zinen.
Parlamentua edo legebiltzarra hiritarren ordezkari politikoak biltzen dituen batzarra da, non gobernua aukeratu, legeak plazaratu eta gobernuaren kontrola egiten den. Herrialde bateko botere legegilearen organo politiko gorena da, hiritarren borondatearen eta nazioaren subiranotzaren egoitza. Orokorrean, parlamentuak demokratikoak dira, ordezkaritza bidezko demokraziako erakundeak zehatzago, hiritarrek aukeratzen baitituzte askatasunez hura osatzen duten diputatu edo ordezkari politikoak, baina badira sasiparlamentuak ere, diktadura edo bestelako erregimen ez-demokratikoetan, demokrazia itxura eman nahi dutenak. Parlamentua Aro Modernoan sortu zen erakunde politikoa izan zen, Erdi Aroko monarkiak ordezkatuz, egun parlamentua duten monarkia parlamentarioak ere badauden arren, non subiranotza parlamentuaren esku geratzen den eta monarka estatu-buru soil gisa baino ez den agertzen. Antzinaroan, parlamentuen antzeko egitura politikoak izan ziren, hala nola ekklesia delakoa Antzinako Grezian.
Parlamentua antolatzeko modu desberdinak daude: sistema unikameraletan, batzar bakarra dago; bikameralismoan, ordea, bi kamera edo batzar bereizten dira (adibidez, Espainian, Kongresua eta Senatua), botere legegilea orekatu egiten dutenak.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
