Merkatu-ekonomia edo merkatuko ekonomia agente ekonomikoek euren erabaki askeekin (ikus, merkatu askea) ondasun guztien prezioak eta ekoizpenak finkatzen dituzten sistema ekonomikoa da, haiek osatutako eskariaren eta eskaintzaren arteko interakzioaz. Merkatu-ekonomia beraz, ekonomia planifikatu eta zentralizatuen aurkako kontzeptua da, ekonomiaren bilakaera agente ekonomikoen lukroaren eta utilitatea maximotzeko asmoaren mendean uzten duena, esku ikusezina delako mekanismoaren bitartez ekonomia orekara helduko delakoan, estatuaren eskuhartzerik gabe (ikus, interbentzionismo ekonomikoa). Hartara, merkatu-ekonomia kapitalismoa garatzen den marko ekonomiko teoriko ideala da, agente ekonomikoen ekimen guztiz askea, jabetza pribatua eta etekinak maximotzeko askatasuna bermatu eta bideratu egiten dituena. Idealtasun hori ordea erabat faltsua da, kapitalismoak sorrarazten dituen desberdintasun ekonomikoek eta bestelako arazoek erakusten dutenez.
Beste hizkuntzetan: ingelesez, market economy; gaztelaniaz, economía de mercado.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
