Enpresaren ingurunea: makroingurunea (ingurune orokorra) eta mikroingurunea (ingurune espezifikoa)

Enpresan, makroingurunea eta mikroingurunea  enpresaren negozioan, merkatuan eta merkatuko eragileekin harremanetan, hala nola bezeroekin eta hornitzaileekin baina baita beste eragile batzuekin ere, eragina duten kanpoko (inguruneko) faktore multzoak dira, AMIA analisia egiteko aztertzen direnak. Enpresak makroingurunera eta mikroingurunera moldatu beharko du bere marketin estrategia, bezeroekin harreman arrakastatsuak izate aldera. Makroingurune edo ingurune orokorrean  enpresari eta baita beste negozio guztiei, eragiten dioten faktoreak biltzen dira, hala nola demografia, koiuntura eta egitura ekonomikoa, marko politikoa, kultura eta teknologia. Mikroingurune, berariazko ingurunean edo ingurune espezifikoan, berriz, enpresa bati zehazki eragiten dioten faktoreek osatzen dute, hala nola lehiakideak, hornitzaileak, bitartekariak eta enpresaren marko legala eta berarekin harremanetan izango diren administrazio publikoak.

Beste hizkuntzetan: ingelesez, macro-environment and micro-environment; gaztelaniaz, macroentorno y microentorno.