Hezkuntza ereduak


KategoriakHezkuntza

Hezkuntza eredua ikasle, ikastetxe edo ikastetxe-sare bateko hezkuntza prozesua funtsatu eta bideratu duten balio, oinarri eta ardatz filosofiko, antropologiko eta politikoen multzoa da, hezkuntza prozesuari buruz onartzen den ikuskera alegia. Zertarako ikasi, zer ikasi, nola ikasi galderak erantzuten ditu, eta beraz sakonean nolako gizakia eta nolako gizartea nahi ditugun. Beraz, hezkuntza ereduak hezkuntzak ikaslearengan eta komunitatean duen zeregina definituko luke, hala nola hezkuntzak haurraren garapen pertsonala landu behar duen edo gizartearen aurrerapenera begira garatu behar den, hezkuntza kooperatiboa edo lehiakorra izan behar den. Hori horrela, aro historikoak eta testuinguru kultural, ekonomiko eta kulturalak guztiz eragiten duten lan markoa da hezkuntza eredua.

Horren helburuak hezkuntzaren baitan anitzak dira: orokorrean irakasleari eta hezkuntza komunitateari hezkuntza nola garatu behar den erakusten diete, hezkuntza homogeneoa eta koherentea izan dadin, norabide eta helmuga orokor jakinak izan ditzan; eta azkenik eredu pedagogikoa, maila konkretuagoan, nolakoa izan behar den ere erakutsiko du, teoria pedagogikoetan oinarritua, hezkuntza metodologia eta didaktika zehazte aldera. Hezkuntza eredu anitz era daitezke, nabarmentzen alderdi desberdinen arabera (balioak, hezkuntzaren helburuak, jarrera filosofiko eta antropologikoa.). Gizarteari eta gizkiari buruzko zenbat ikuspegi, hainbat hezkuntza eredu izango da.

Beste hizkuntzetan: gaztelaniaz, modelo educativo.

282 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.