Epistemologia (definizioa)

Epistemologia edo ezagutzaren filosofia  ezagutza edo jakintza aztertzen duen filosofiaren adarra da, jakintzaren jatorriari, horren metodoei eta errealitatearekin eta egiarekin duen erlazioari buruz. Jarrera epistemologiko anitz dago: eszeptizismoak, esaterako, zalantzan jartzen du jakintza ororen egiatasuna edo baliozkotasuna; kritizismoak, bere aldetik, epistemologia edo ezagutzaren kritika ezagutza abiarazi ahal izateko funtsezkoa eta oinarrikoa dela adierazten du, giza ezagutzaren subjektibotasuna kontuan harturik; XX. mendean garatu zen estrukturalismoa, berriz, giza eta gizarte zientzietara aplikatzen da bereziki, gizakiarengan eta gizarteetan enpirikoki jaso ezin daitekeen egitura sakon batek eragiten duela baieztatuz, ikertzaileak intuizioz azaleratu behar duena.

Ikus, gainera

• Episteme
• Epistemikoa eta epistemologikoa
• Nomotetikoa eta idiografikoa