Ezagutza (definizioa)

Ezagutza edo jakintza subjektu batek errealitateari buruz dituen errepresentazio edo isladen multzoa da, informazio moduan jasota hainbat kode eta formatotan, eta kognizioaren bitartez prozesatzen dena errepresentazio berriak eratzeko, hala nola abstrakzioaren edo dedukzioaren bitartez (ikus, arrazoibideak). Beraz, ezagutza ez da informazio eta datu biltegi hutsa, eta ezagutza hori zabaltzeko prozesu kognitiboak ere jasotzen ditu.

Aurreko definizioak ezagutza errepresentazionala jasotzen du, subjektu indibidualek jaso eta garatzen dutena. Bada, baita ere, sozialki eraikitako ezagutza, gai jakinei buruz komunitate bateko kideek (astronomoak, eta baita ere herri bateko nezakariak, lurra nola lantzeari buruz) partekatzen dutena.

Ezagutza zenbait modu edo sistematan garatu eta zehazten da:

• sistema proposizionala edo adierazpenezkoa, enuntziatu multzo bat, horietako bakoitza egia/faltsua dikotomiarekin;
• sistema analogikoa, ezagutzak dakarren irudi mentala, errealitatearen islada;
• prozedura-sistema, prozesu kognitiboen bitartez ezagutzak lotu eta eratu egiten dituena.

Ikus, gainera

• Epistemologia
• A priori ezagutza eta a posteriori ezagutza
• Jakinduria