Emaria (ura, ibaia, hidrologia)

Ibai baten emaria gune jakin batean ibaiak bere ibilguan dakarren ur kopurua da, litrotan, metro kubikoetan edo beste bolumen unitate batean, segunduko, minutuko edo beste denbora-unitate bakoitzeko. Horrela, emariaren ohiko unitateak litroak/seg eta m3/seg dira. Epe luzeetarako ere eman daiteke, une batzuetan zehar jasotako emarien batezbestekoa kalkulatuz. Emaria eragiten duten faktore nagusiak ibaiko arroaren zabalera, arroko urteko prezipitazio kopurua, ibilguaren malda eta uraren abiadura (abiadura zenbat eta handiagoa izan, orduan eta emari handiagoa izango da), arroan landaredia dagoen (landarediak gutxitu egiten du emaria, landare eta zuhaitzek ura hartu egiten dutelako) eta zoruaren permeabilitatea edo iragazkortasuna. Prezipitazioen aldakortasuna eta elurren urtzea emariaren aldakortasuna dakar urtean zehar, ibai-erregimena definituko duena.

Ikus, gainera

• Emari absolutua eta emari erlatiboa
• hidrograma, Gizapediako hiztegian.