Ebaluazio hezigarria

Hezkuntza prozesutik at burutzen den eta kanpoko irizpide estandarrak erabiltzen dituen ebaluazio klasikoa ez bezala, ebaluaketa hezigarria, ebaluazio formatiboa, prestakuntzazko ebaluazioa edo ebaluazio hezitzailea ikaslearen ikaskuntza-prozesua hobetu eta aldi berean ikaslea prozesu horretan lagundu egiten duen ebaluazio mota da, ikasleak hezteko helburuetatik abiaturik (ikus konpetentziak). Etengabeko prozesua da ebaluazio hezigarria,  irakaskuntza-ikaskuntza prozesua hobetu eta bidean sor daitezkeen arazo eta oztopoak atzeman eta konpontzeko, eta beraz ebaluazio jarraitua ezinbestean. Halaber, ebaluazio kualitatiboa izan behar da, ebaluazio kuantitatiboa oso mugatua baita ikaskuntza prozesuaren konplexutasunari heltzeko, ebaluazio hezigarriak exijitzen duen bezala.

Ikaskuntza-helburuetatik abiaturik, helburuak horiek lortzen doan prozesu gisa, ebaluazio hezitzailea erakunde orotan garatu beharko litzatekeen plangintza jarduerako kontrolaren pareko kontzeptua litzateke, eta beraz hiru fasetan garatu beharrekoa: hasierako ebaluazioa, ebaluazio jarraitua eta amaierako ebaluazioa, kontrolerako tresna gisa.

Beste hizkuntzetan: gaztelaniaz, evaluación educativa.

Ikus gainera

• Ebaluazioa hezkuntzan
• Ebaluazio sumatiboa