Doikuntza-probak lagin bateko datuak eredu gisa baliatu behar den probabilitate-banaketa batera doitu daitekeen erabakitzeko erabiltzen diren proba estatistikoak dira. Adibide gisa, doikuntza-proba bat erabili liteke txanpon bateko emaitzak (zenbat aupegiko eta zenbat gurutzeko) txanpo orekatu baten ereduarekin ( p[X]=p[0]=1/2 banaketarekin) bat datozen erabakitzeko. Doikuntza-probak inferentziaren balidazio-fasean, inferentziaren bukaeran, parametroak estimatu ondoren, garatzen dira, parametroak kuantifikatuta egotea ezinbestekoa baita proba horiek burutzeko. Hainbat doikuntza-proba garatu dira estatistikan, hala nola khi-karratu doikuntza proba (erabilienetakoa, eredu jarraitu, diskretu nahiz kategorikoetarako erabil daitekeena), Kolmogorov-Smirnov proba (banaketa jarraituetarako) eta Kolmogorov-Smirnov-Lilliefors, Shapiro-Wilk eta Jarque-Bera probak, eredu normaletarako guztiak.
Hemen, PDF formatoan, doikuntza-probei buruzko ariketak aurkituko dituzu.
Beste hizkuntzetan: ingelesez, goodness of fit tests; gaztelaniaz, pruebas de ajuste, pruebas de bondad de ajuste.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
