Bessemer bihurgailua

Bessemer bihurgailua Henry Bessemer metalurgiko britainiarrak 1855ean altzairua era masibo eta merkean ekoizteko gailu metalurgikoa da, kubeta edo ontzi motakoa, non hara metal urtua isuriz, labe garai batetik esaterako, eta azpitik sartutako haizearen bitartez fusioa areagotu egiten den, metal urtua dituen ezpurutasun edo baztertu nahi diren gaiak oxidatuz, horrela altzairua eskuratzeko. Bessemer bihurgailuaren prozedura antzinatik ezaguna bazen ere, Bessemer bihurgailuak altzairu kopuru handitan eta kostu merkean ekoiztea ahalbidetu zuen, labe garaien aldean. Horrela, Bessemer bihurgailua Bigarren Industria Iraultzaren garapenerako funtsezko teknologia bilakatu zen. Eragozpen gisa, Bessemer bihurgailura burdin ez fosforikoa, fosforo kopuru txikia duen burdin minerala alegia, sartu behar zen; mineralak fosforo kopuru handia zuen kasuetarako egokiagoa izan zen urte batzuk beranduago garatu zen Thomas bihurgailua. Hain zuzen ere, XIX. mendetik bereziki Bizkaiko meategietatik ateratako burdina ez fosforikoa zen, Europako beste meategietan bezala; horri eta Bessemer bihurgailuari esker, Bizkaian burdin-industria handia garatu XIX. mendean, burdina Europako beste herrialdeetara ere esportatu egiten zuena.

Ikus, gainera

• Koke ikatza