Askatasun ekonomikoa

Askatasun ekonomikoa gizabanakoek merkatu libreko esparru batean enpresa ekimenak abiarazi eta jarduera ekonomikoak garatzeko duten eskubidea da. Esparru ekomiko libre horretan, eskaintzaren eta eskariaren indarrak izan behar dira, funtsean, prezioak ezarriko dituztenak, jabetza pribatua errespetatu eta bermatuko duen eta eragile ekonomikoen arteko gatazkak konponduko dituen esparru politiko batekin batera. Askatasun ekonomikoa bateragarria da ekonomian esku hartzen duen gizarte-estatu batekin, haren akatsei konponbidea eman eta merkatu libreko sisteman sor daitezkeen disfuntzioak zuzentzeko, bai eta bere burua autofinantzatzeko ere, zerga-bilketaren bidez, bere zereginei eutsi eta ongizate-estatua garatzeko. Hala ere, ohikoa da desadostasunak egotea estatuak maila horietan duen esku-hartze mailari dagokionez. Zentzu horretan, liberalismo ekonomikoa askatasun ekonomikoa eta merkatu askea defendatzen dituen doktrina bezala ikusten da, estatuaren erregulazio eta interbentzionismoaren eta planifikatutako ekonomien aurka.