Akzioak sozietate anonimo eta beste merkataritza-sozietate batzuen kapital sozialaren zati alikuotak edo kapitalaren zati berdinak dira, eta haiek harpidetuz eta despoltsatuz bazkideak enpresaren jabe bilakatzen dira. Akzioen bitartez bazkideak eskubide ekonomiko eta politikoak eskuratzen ditu sozietatean, hala nola mozkinak eskuratzeko eskubidea dibidenduen bitartez, akzio berriak eskuratzeko eskubidea lehentasunezko harpidetza-eskubideen bidez, eta sozietateko Batzar Orokorretan botoa emateko eskubidea.
Akzioen beste ezaugarri berezi bat, beste merkataritza-sozietateetako partaidetzen aldean, haiek saldu edo orokorrean besterentzeko askatasuna da. Maiz, horretarako baldintza batzuk bete behar badira ere, akzioak burtsa izeneko merkatuan saldu eta erosi egiten dira, eta salerosketa horietan mozkinak eta galerak ere suertatzen dira. Dibidenduengatik nahiz burtsan eskuraturiko mozkinengatik lortuko diren errendimenduak ezagunak ez direnez, akzioak errenta aldakorreko aktiboak direla esaten da.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
