Adimen artifiziala

Adimen artifiziala ordenagailu, robot eta bestelako gailuek adimentsutzat hartzen diren prozesuak garatzeko duten ahalmena da. Halaber, adimen artifiziala ahalmen hori garatzeko sistema informatikoen multzoa ere bada. Orokorrean, adimen artifiziala prozesu hauek garatzen dituzten sistema bat da: ikaskuntza, arrazoimena edo inferentziak (induktiboak nahiz deduktiboak) garatzeko ahalmena, problemen ebazpena, hautematea eta hizkuntza garatzeko ahalmena.

Adimen artifiziala garatzeko bi ikuspegi desberdin bereizten dira: ikuspegi sinbolikoan, adimen naturala eratzen duen burmuinaren abstrakzioa egin eta adimena islatzen duten sinboloetan oinarritzen da sistema adimentsuak garatzeko, ontologia batean oinarrituz; konexio-ikuspegitik berriz, burmuineko neurona sistemen emulazioa egiten da sare neuronalen bitartez.

Ikus, gainera

• Turing proba