Turing proba Alan Turing matematikariak (1912-1954) makina batek pertsona baten adimenez jokatzen duen erabakitzeko proposatu zuen proba teorikoa da (ikus, adimen artifiziala). Proba horretan, ikertzaile batek pertsona baten eta makina baten arteko testu bidezko elkarrizketa jarraitu behar du; denbora bat igarota ikertzailea makina eta pertsona bereizteko gai ez bada, makinak proba gainditu egiten duela iritzi eta beraz adimentsua dela esan daiteke. Geroago, adimen artifiziala giza mailara heltzen dela probatzeko test alternatiboak proposatu dira, hala nola Lovelace proba, sormena lantzen duena. Turing probarekiko interesa 2023 urtean piztu zen jendartean ChatGPT eta bestelako adimen artifizialeko sistemak plazaratu zirenean, adibidez ikasle batek aurkeztutako txostena ChatGPT sistemaren bitartez egindakoa zela probatzeko.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
