Zorizko laginketa sinplea


KategoriakEstatistika

Populazio batetik lagin ateratzerakoan, zorizko laginketa sinplea  populazioko elementuak probabilitate berdinekin banaka atera eta lagin posible guztiei ere probabilitate berdina ematen dien zorizko laginketa mota da. Adibidez, populazioa 1-2456 bitarteko elementuek osatzen badute, zorizko laginketa sinplean 1-2-3-....-2456 zenbaki guztiek probabilitate berdina dute aukeratuak izateko. Aldi berean, bigarren baldintzari erreparatuz,  4 tamainako lagina osatu behar bada, lagin guztiek (1-23-134-1765 eta 4-5-6-7, adibidez) probabilitate berdina dute (hau da ez hain begi bistakoa, zeren laginketa sistematikoan esaterako, elementu guztiek probabilitate berdina dute, baina lagun guztiek ordea ez).

Zorizko laginketa sinplea bi eratara burutu daiteke: itzulerarik gabe, aldi bakoitzean aukeratzen den elementua ezin denean berriz aukeratu (hartara, 4-4-5-6 lagina ez da posible), eta itzuleraz, aukeratutako elementuak populaziora berriz itzuli, eta ondorioz, beste elementuak bezalaxe, berriz ere erauziak izateko aukerak dagoenean (4-4-5-6 eta baita 4-4-4-4 ere posible dira). Populazio finituen laginketan, itzulerarik gabeko zorizko laginketa sinplea da ohikoena.

Beste hizkuntzetan: ingelesez, random sampling; gaztelaniaz, muestreo aleatorio simple.

242 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.