Zaharkitze programatua

Zaharkitze programatua enpresa-estrategia bat da, non produktuak denbora jakin baten buruan funtzionatzeari utz diezaioten edota erabilgarritasuna gal dezaten diseinatzen diren, haien balio-bizitza mugatuz eta kontsumitzailea beste bat erostera behartuz birjarpenerako, hori guztia salmenta-mailari eusteko helburuarekin. Batez ere aparatu eta gailu elektriko eta elektronikoetan garatzen da. Estrategia hori hainbat modutan gauza daiteke: produktua kalitate baxuarekin diseinatuz, softwarearen eguneratzeak eta ordezko piezak eskuratzea eragotziz edota konektatzen diren osagarriekin produktua bateraezin bihurtuz. Programatutako zaharkitzearen inpaktua bikoitza da; alde batetik, kontsumitzaileak aldiro gastu gehigarri bat egin behar du produktu berria erosteko, eta bestetik, hondakinen ugaltzea dakar, produktu horiek bota behar izateagatik, ingurumen-inpaktu handia sortuz horrela.

Beste hizkuntzetan: gaztelaniaz, obsolescencia programada.

Ikus, gainera

• Obsoleszentzia