Truke bitartekoa edo truke bidea ondasunak eta zerbitzuak saldu eta eskuratzeko erabiltzen den bitarteko edo baliabide bat da, erosleek eta saltzaileek hura aukeratu eta onartu egiten dutena ordaindu, kobratu edo zorrak kitatzeko. Truke-bitarteko bat ohiko bilakatzen denean, salgai-diru dela esaten da. Adibidez, sagarrak eskuratzeko baserritar batekin baratzeko lana egiteko tratua egiten badut, baratzeko lanak betetzen du sagarrak eskuratzeko truke-bitarteko gisa. Beraz, erosleek ordaintzeko saltzaileei ematen dizkieten "gauzak" direla esan daiteke.
Dirua da, zalantzarik gabe, truke bitarteko ohikoena, eta diruak betetzen duen funtzio nagusietako bat da gainera, kontu-unitate eta balio-gordailua izatearekin batera.
Egun orokorrean, truke bideak eta ordainbideak bat datoz ere, ez du horrela zertan izanik: truke batean elkartrukatzen diren ondasunak dira truke bideak; Erdi Aroan, soinean urrea eta zilarra eraman behar ez izateko, aurrez urrearen eta zilarraren trukean eskuraturiko baleen antzekoak erabiltzen ziren truke-bide gisa salerosketak egiteko, baina egiazko ordainbideak urrea eta zilarra ziren. 2013tik Ipar Euskal Herrian euskoa erabil daiteke truke-bide gisa, zentzu hertsian ordainbidea ez den arren, hartzekodun batek uko baitiezaioke euskotan kobratzeari.
Beste hizkuntzetan: ingelesez, medium of exchange, exchange device; gaztelaniaz, medio de cambio, medio de intercambio.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
