Psikologian, sugestioa beste batek adierazi edo proposatutako ideiak nahiz sentsazioak egiaztapen eta kritikarik gabe onartzen den egoera psikikoa da. Lau eratara eragin daiteke:
- zuzeneko sugestioa beste baten aginteak eragindakoa da; adibidez, ama batek haurrari "ez du hotzik egiten" esan eta amak esan duelako haurrak hori onartzen duenean;
- zeharkako sugestioan, beste baten ideiak norberarenak balira bezala onartzen dira; adibidez, ideologia politikoa kasu askotan zeharkako sugestioaren emaitza, ideologia propioa dela uste arren, askotan inguruak eta propagandak eragindakoa delako;
- autosugestioa, norberak bere buruari sinestarazen dizkion ideiak dira; adibidez, hotzari aurre egiteko, subjektu batek bere buruari "ez du hotzik egiten" errepikatzen dionean, sentsazio hori sinesteraino;
- sugestio hipnotikoan, hipnosi edo beste teknika psikikoen bitartez eragiten dena.
Loturiko artikuluak
Psikologia ebolutiboaPsikologia ebolutiboa pertsonen gogamenaren bilakaera bizitzan zehar ikertzen duen psikologiaren adarra da, hala nola ikaskuntza, heldutasunera heldu eta pertsonaren garapen psikoafektibo eta kognitiboaren prozesuen inguruan. Ildo horretatik, ulertzekoa…
Psikologia positiboaPsikologia positiboa bere azterketa esperientzia, sentimendu eta bereizgarri psikologiko positiboen inguruan ardazten duen psikologiaren korrontea da, bereziki buruko nahasmenduak saihesteko eta haien tratamendurako nahiz hazkunde pertsonalerako eta motibaziorako…
Erreferentzia-ideiakErreferentzia-ideiak, erreferentziazko ideiak, deliriozko ideiak ere deituak, inguruan gertatzen diren gertakariek norberarekin loturik edo norberari zuzendurik daudelako pentsamenduak orokorrean negatiboak dira, lotura horiek erabat faltsuak edo kointzidentzia hutsak direnean.…
Gizapedia
