Populatzea (populaketa)

Populatzea edo populaketa gizakiek lurraldan euren bizitokiak eta lantokiak finkatzeko duten modua da. Populatze-mota desberdin nagusiak  landan, landa-populatzea deitzen dena, eta hirietan, hiri-populatzea alegia, bereizten dira. Haietako bakoitzean, berriz ere, lurraldea populatzeko aldaera zenbait bereizten dira.

Landa-populatzea

Landa-eremuan populatze-eredu hauek bereizten dira gehienbat:

• populatze sakabanatua, populazioa etxe eta auzo txiki isolatuetan banatzen denean, soroak eta lursailak bizitokitik gertu daudelarik. Populatze-modu hau ohikoa da Euskal Herriko kantauri isurialdean, eta baserria da landa-etxe eta haren inguruetan biltzen diren lursailen izena.
• populatze bildua edo populatze kontzentratua, etxe multzo handi bat herria osatuz biltzen denean gertatzen den populatze-mota da, lursailak herriaren inguruetan izanik. Populatze-modu hau ohikoa da Nafarroa hegoaldean esaterako.

Landa-exodoa, landatik hirirako emigrazio masiboa alegia, da landa-populatzeari buruzko beste fenomeno bat, lurralde asko eta asko hustuaraziz.

Hiri-populatzea

Populazioa hirietan biltzeko modua ere anitza da, hiri txiki eta ertainetatik megalopolietara. Hiri bakoitzaren baitan, populatze-mota desberdinak ere bereizten dira, hirigunea eta aldiriak bereziki. Hiriak geografikoki bildu eta lotzeko moduak ere hiri-sistema aski desberdinak sortzen ditu, konurbazioak eta metropolialdeak, besteak beste.

Ikus, gainera

• Despopulatzea