Ondare garbia

Enpresan, ondare garbia edo ondare netoa funtsean enpresaren kapitala edo bazkideen ekarpenak jasotzen dituen ondare-masa da, nahiz eta bestelako kontzeptuak (erreserbak, dirulaguntzak, ...) ere biltzen dituen. Enpresaren hiru ondare-masa nagusietako bat da, eta haiekin honela erlazionatzen da:

AKTIBOA = ONDARE GARBIA + PASIBOA

Horrela, ondare garebia enpresak dituen ondasunak eta eskubideak (hots, aktiboa) ken obligazioak (hots, pasiboa) eginez geratzen den zenbatekoa da, nolabair enpresaren balio teorikoa osatzen duena. Beste ikuspuntu batetik ondare garbia enpresaren pasibo ez galdagarria da, enpresaren autofinantzaketak osatzen duena.

Pasibo ez galdagarriaren ikuspunturik, ondare garbia hiru ataletan banatzen da (Espainiako Kontabilitate Plan Orokorraren arabera):

• funts propioak (kapitala, erreserbak, ekitaldiko emaitzak (aurrekoak eta egungoa), jaulkipen-primak, ...),
• balorazio aldaketengatik doikuntzak (aktibo eta pasiboetan izandako balorazio-aldaketen behin-behineko kontabilizazioa, haiek saldu edo kobratu arte ez baitira jasoko galdu-irabazietan -ekitaldiko emaitzan-, eta beraz funts propioetan),
• dirulaguntzak, dohaintzak eta legatuak, kapitalekoak (urte batzuetara erabiltzekoak) edo ustiapenekoak (urtean erabiltzekoak).

Ondare garbia kapital soziala baino txikiagoa denean, enpresa finantza-desorekako egoeran sartzen da, eta legez baliteke desegin behar izatea.

Beste hizkuntzetan: gaztelaniaz, patrimonio neto.