Irabazi-marjina edo mozkin-marjina, kopuru absolutuan, produktu baten salmenta prezioa (BEZ gabe) ken produktuaren kostu totala da. Zergak ordaindu aurretik suertatzen den mozkin-marjinari marjin gordina deritzo, eta zergak ordaindu ostekoari, marjin garbia. Kopuru erlatiboan, irabazi-marjina diru-sarrerarekin alderatuta kalkulatzen da, portzentaje gisa. Adibidez, liburu bat 10 euro kostatu eta 15 eurotan saltzen bada, irabazi-marjin absolutua 15-10=5, eta marjin erlatiboa 5/15=%33.3.
Bi modu daude mozkin-marjina gehitzeko: alde batetik prezioa igoz, eta bestetik kostuak murriztuz. Prezioa gehitzea enpresaren esku dago, baina ondorioz produktuaren eskaria eta salmentak gutxitu daitezke, mozkin totalak murrituz. Beraz, mozkin-marjina gehitzeak ez du esan nahi irabaziak gehituko direnik. Beste alde batetik, kostua murriztea, mozkin-marjina igotzeko, ez dago beti enpresaren esku.
Beste hizkuntzetan: gaztelaniaz, margen de beneficio, margen de ganancia.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
