Gizapedia

Korrelazio biseriala

KategoriakEstatistika

Korrelazio-koefiziente biseriala bi aldagai kuantitatiboen arteko Pearson-en korrelazio linealeko koefizientea (ikus, korrelazioa) estimatzen duen estatistiko bat da, aldagaietako bat dikotomiko bihurtu denean medianatik alde banatara dauden datuak bereiziz (ikus, dikotomizazioa), eta aldi berean banaketa normalari jarraitzen dionean. Adibidez, demagun proba bateko puntuazioaren eta probaren aurretik subjektuak duen antsietate mailaren arteko korrelazio koefizientea estimatu nahi dugula; bi aldagai horiek kuantitatiboak dira berez, baina probako puntuazioari buruzko datuak zuzenean jaso ditzakegun bitartean, antsietateari buruzko datuak antsietate handia/txikia moduan bakarrik jaso behar ditugu, jakin arren oinarrian antsietatea aldagai ezkutu kuantitatiboa dela, neurotransmisoreen kantitatearen araberakoa delako, eta banaketa normalari jarraitzen diola datua. Era horretan jasota, bata eskala kuantitatibo batean eta bestea eskala dikotomiko batean, jatorriko aldagai kuantitatiboen arteko Pearson-en korrelazio-koefizientearen estimazioa egiten du korrelazio biserialak.

Korrelazio biseriala kalkulatzeko formula bat ondokoa da, x izanik aldagai kuantitatiboa:

    \[r_b=\frac{\overline{x}_p-\overline{x}_q}{s_x}\frac{pq}{y}\]

non

  • \overline{x}_p, aldagai dikotomikoan p proportzioa dutenen batezbesteko aritmetiko sinplea,
  • \overline{x}_q, aldagai dikotomikoan q proportzioa dutenen batezbesteko aritmetiko sinplea,
  • s_X, aldagai kuantitatiboaren desbideratze estandarra,
  • p, q, aldagai dikotomikoan bi dikotomiek dituzten proportzioak,
  • y, p eta q proportzioak banatzen dituen banaketa normal estandarraren balioari dagokion ordenatua dentsitate normalean; zehatzago y=\frac{e^{-\frac{u^2}{2}}}{\sqrt{2\Pi}};P[Z>u]=p.

Korrelazio koefiziente biserialak [-1,1] tarteko balioak hartzen ditu eta Pearson korrelazio koefizientea bezala interpretatzen da,

Erreferentziak

  • Fritz Drasgow: Polychoric and polyserial correlations.
  • Biserial Correlation In: The SAGE Encyclopedia of Social Science Research Methods.
  • https://www.statisticshowto.datasciencecentral.com/point-biserial-correlation/
  • https://ncss-wpengine.netdna-ssl.com/wp-content/themes/ncss/pdf/Procedures/NCSS/Point-Biserial_and_Biserial_Correlations.pdf
Artikulu hau honela aipatu: Sarasola, Josemari, "Korrelazio biseriala"; Gizapedian, 30 iraila, 2018, /korrelazio-biseriala/.

Loturiko artikuluak

  • Korrelazio partziala

    Korrelazio partziala aldagairen baten eragina baztertzen duen bi aldagaien arteko korrelazioa da, bereziki hirugarren aldagai horiek, aldagai nahasle izenekoak, bi aldagaien arteko korrelazioan sorrarazten duten distortsioa ezabatze aldera.…

  • Korrelazioa

    Estatistikan, korrelazioa bi aldagai kuantitatiboen arteko erlazio estatistikoa da, aldagai horietan izandako aldaketen arteko erlazioa aztertzen duena (batak gora egitean, besteak gora egiten duen ala ez, eta zenbaterainoko indarrez).…

  • Korrelazio-matrizea

    Estatistikan, korrelazio-matrizea aldagai-multzo bateko aldagai-bikoteen arteko korrelazio-koefizienteen zerrenda da, matrize batean ordenaturik, korrelazio bakoitzeko aldagaiek dagokion errenkadak eta zutabeak ematen dutelarik. Korrelazio-matrizeak simetrikoak dira (berdinak dira x aldagaiaren…

492 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.