Agian, internalizazioa enpresa arloan bilatzen ari zinen.
Soziologian eta psikologian, internalizazioa edo barneratzea subjektu batek gizarteko arauak, balioak eta ezagutzak (hitz batean, kultura) baitaratu edo bereganatzeko prozesua da. Sozializazio prozesuaren alderdi nagusietako bat da, ezinbestekoa subjektua gizarteratu dadin; hain zuzen ere, internalizazioak huts egiten badu, sozializazioak ere huts egingo du ezinbestean, gizarte desbideratzea eta bestelako ondorioak sorraraziz. Internalizazioaren garrantzia Lev Vigotsky psikologoak (1896-1934) nabarmendu zuen; bere iritziz, internalizazioa subjektuen arteko harremanetan eta subjektuarengandik at dauden egoeretan du jatorri: gizarte harremanek eta inguruneak subjektuaren gogamenaren baitan egitura bat eratu eta eraldatzeko prozesua adieraziko luke. Haren iritziz, hezitzailearen papera internalizazioa arrakastatsu bihurtzea da, horretarako abiapuntu eta oinarri egokiak jarriz (ikus, gainera, Hurbileko Garapen Eremua).
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
