Pasibo ez-korrontea enpresak epe luzera, urtebetetik gorako epemugarekin alegia, dituen zor eta obligazio finantzarioek osatzen duten ondare-masa da, enpresak epe luzeko inbertsioak edo bere eguneroko jarduera ekonomikorako (ikus,…
GizapediaIbilgetua
KategoriakEnpresa
Kontabilitatean, ibilgetua epe luzera, zehatzago urtebete baino epe luzeagoan, enpresak bere jardueran baliatu egiten dituen ondasun eta eskubideen multzoa da. Aktibo ez korrontean (KPOko 2. Atala) jasotzen dira ibilgetuko elementuak, eta bi ataletan bereizten dira: ibilgetu materiala (KPOko 21. Atala), ukigarriak edo fisikoak direnak, eta ibilgetu ukiezina edo immateriala (KPOko 20. atala), patenteak, merkataritza funtsa eta softwarea biltzen dituena besteak beste, bi kasuetan enpresaren jarduera nagusian erabili behar direla baldintzapean. Horrela, enpresak bere jardueran erabiltzen duen lursaila ibilgetu materiala litzateke, baina inbertsio moduan badu, aktibo ez korronteko inbertsio higiezinen atalean (KPOko 22. atala) sartuko litzateke. Teoria ekonomikoan, kapital finko terminoa erabiltzen da sinonimo gisa.
(Oharra: Artikulu hau Espainiako KPOak (Kontabilitate Plan Orokorrak) ezarritakoaren arabera idatzi da).
Beste hizkuntzetan: ingelesez, property, plant and equipment; gaztelaniaz, inmovilizado.
Ikus, gainera
Artikulu bat eskatu
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Harpidetu zaitez
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.