Hertsapena edo koertzioa


KategoriakPolitika

Koertzioa edo hertsapena estatuak legea eta bere agintea inposatzeko erabiltzen duen indarraren mehatxua da. Batzuetan adiera zabalagoan erabiltzen da, sistema politiko batek askatasunaren kaltetan ezartzen dituen muga, oztopo, kontrol eta errestrikzio gogorrak izendatzeko, koertzitiboak edo koertzioz ezarritakoak direla adieraziz. Koertzitiboa, beraz, askatasunaren aurkakoa den oro litzateke adiera zabal horretan (adibidez, Marxek kapitalismoa sistema koertzitiboa dela baieztatzen duenean). Eztabaidatsua da gizarteak ezartzen duen koertzioaren legitimitatea; adibidez, koertzioaren aldekoek gizartearen ongizatea lehenesten dute indibiduoaren askatasunaren gainetik. John Stuart Mill filosofo politikoak (1806-1873), koertzioa mugatu beharra ikusi eta, baieztatu zuenez, gizarteak indibiduoari inposatzen dion koertzioa bere jokabidea besteen askatasun eta interesen aurkakoa denean baino ez dago justifikatuta.

194 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.