Hedapen-ekonomiak (hedadura-ekonomiak)

Ez nahastu ekonomiaren hedapenarekin.

Hedapen-ekonomiak edo hedadura-ekonomiak sortzen dira enpresa batek bere ekoizpen-egitura produktu eta zerbitzu berrietarako hedatu edo zabaldu baliatzen duenean. Hedapen-ekonomia horiei esker, kostu finkoak produktu gehiagoren artean banatzearen ondorioz, batez besteko kostua gutxitu egiten da, mozkinak gehituz. Adibidez, hedadura-ekonomiak eskuratzen dira baserri batean aldi berean oilaskoak eta arrautzak ekoitziz, unibertsitate batean ikerketa eta irakaskuntza bateratuz eta garraiolari batek ogia eta esnea batera banatzen dituenean

Batzuetan, ekonomia edo kostu-gutxitze horiek eskala-ekonomiekin nahasten dira, baina diferentzia nabarmena da bien artean: eskala-ekonomietan produktu baten ekoizpena handitzen da, eta hedapen-ekonomietan enpresa produktu gehiago ekoizten ditu.

Beste hizkuntzetan: ingelesez, economies of scope; gazteleraz, economías de alcance.