Glaziarrak

Glaziarra elurra eta euri-urak lur gainean izoztean sortzen den masa zabala da, grabitatearen eta izotzaren beraren presioaz espazioan zehar deformatu eta mugitu egiten dena.

Glaziar batek holako atal hauek izaten ditu: zirku glaziarra, non elurra eta izotza pilatzen diren; glaziar-mihia, zirkutik atera eta mugitzen doan izotz-atala eta glaziarraren aurrealdea, glaziarraren beheko muga alegia. Bereizten dira, halaber, metatze-eremua, gehienbat zirku glaziarrean, non izotza pilatu egiten den; eta ablazio- edo higadura-eremua, bereziki mihian eta glaziarraren aurrealdean, non izotza desegin egiten den. Glaziar batek glaziarismo izeneko egitura geomorfologiko ugari sortzen ditu gainera bere inguruan eta glaziarrak berak atzera egiten duenean; esaterako, glaziar-mihian eta aurrealdean, morrenak egoten dira, glaziarrak higaduraz sortu eta pilatutako arroka-multzoak, eta ohikoak dira aintzira glaziarrak sortzea glaziarrak atzera egiten duenean.

Zenbait glaziar-mota bereizten dira: mendiko glaziarrak goi-mendietan sortzen diren glaziarrak dira, eta haietan zirkuko glaziarrak, glaziar esekiak eta haraneko glaziarrak daude; glaziar kontinentalak berriz, izotz-kasko zabaletatik sortzen diren glaziarrak dira, maiz itsasoan bukatzen direnak.

Beste hizkuntzetan: ingelesez, glacier; gaztelaniaz, glaciar.

Ikus, gainera

• Haran glaziarra
• glaziologia, Gizapediako hiztegian
• izotz-kasko edo kasko glaziar, Gizapediako hiztegian
• permafrost, Gizapediako hiztegian