Geldialdi ekonomikoa (estagnazioa)

Geldialdi ekonomikoa edo estagnazioa hazkunde ekonomikorik ez dagoenean edo tasa oso txikietan igotzen denean gertatzen den egoera iraunkorra da. Horren arrazoiak teknologia aurrrerapena handirik ez dagoenean gertatzen den errendimendu beherakorren legea, produktibitate eta berrikuntza eskasak, inbertsiora zuzentzen ez den gehiegizko aurrezkia eta barne kontsumoa bultzatzen ez duen gelditze eta zahartze demografikoa. Batzuen arabera, gelditze ekonomikoa oreka-egoera adierazten badu ere, herrialde jakin bateko ekonomia kapitalista batean atzerakada potentzial baten ataria izan daiteke, berrikuntza eta inbertsioa urriekin  hazkundea nekez bultzatzeaz gainera, lehiakortasuna galdu eta igurikimen edo espektatiba makalak nagusitzearen ondorioz. Alvin H. Hansen estatubatuar ekonomialariak geldialdi sekularraren teoria plazaratu zuen egoera ekonomiko horiek aztertzeko.

Beste hizkuntzetan: ingelesez, stagnation; gaztelaniaz, estancamiento económico.