Falangistak

Falangistak Falange Española eta kideko alderdi politikoen jarraitzaileak dira, ideologia faxistakoak. Bigarren Errepublika garaian hauteskundeetan sostengu txikia izanda ere, protagonismo handia lortu zuten, bereziki ezkerreko alderdi politikoen aurka garatu zuten indarkeriagatik. Espainiako Gerra Zibilean zehar, Francisco Franco falangisten buru jarri zen, beste indar faxista eta tradizionalistekin batu, eta erregimen frankistako alderdi bakartzat deklaratu zuen, Falange Española Tradicionalista y de las Juntas de Ofensiva Nacional Sindicalista izenarekin. Gerra zibilean zehar, falangistek miliziak osatu zituzten,  baina berehala bando nazionaleko armadan integratu ziren. Milizia falangista horiek bereziki ezagunak izan ziren banado nazionalak hartzen zituen lurraldeetan egiten zuten errepresio politiko bortitz eta krudelagatik.