Alderdi dinastikoak edo alderdi dinastiazaleak Espainian XIX. mendean zehar eta XX. mendearen hasieran Isabel II.aren lerroko borboitarren monarkiaren aldeko alderdi politikoak izan ziren, Espainia gobernatu zutenak 1833tik 1923ra arte, 1868-1874 bitarteko seiruteko demokratikoan ezik. Alderdi dinastikoak moderatuak eta progresistak izan ziren Isabel II.aren erregetzan zehar, eta kontserbadoreak eta liberalak 1875etik aurrera, Cánovas del Castillo eta Sagasta lider politikoek zuzenduta hurrenez hurren. Azken bi alderdi horiek turnismoa izeneko sistema politikoa garatu zuten Espainian, hauteskundeak manipulatuz, gobernuan txandakatuz eta borboitarren monarkia kolokan jar zezaketen indar politikoak baztertuz.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
