Espekulazioa (ekonomia)

Agian Filosofia espekulatiboa bilatzen ari zara.

Ekonomian, espekulazioa (latinezko specio aditzetik, "begiratu, ikertu") aktibo batekin burutzen den transakzioa da, aktibo hori erosi eta gero saltzea alegia, merkatuan gertatzen diren prezio gorabeherak baliatuz aparteko irabazia eskuratzearren, maiz epe labur batean. Merkataritza eta finantza transakzio arruntetan ez bezala, transakzio espekulatiboak arriskutsuagoak dira, suerta daitekeen galera ohi baino handiagoa da, baina ohi baino handiagoa den irabaziaren esperoan burutzen dira. Hala ere, ez da pentsatu behar espekulazioan aritzea erokeria denik, espekulazioan arrakastaz aritzen direnek balizko galerak zenbatekoak izan daitezkeen, horiek gertatzeko probabilitatea eta galera horiek estaltzeko estrategiak sakon aztertzen dituztelako operazio espekulatiboa abian jarri aurretik; hala, espekulazioa inbertsioaren (non arriskua mugatua den) eta apustuaren (non emaitzak guztiz zorizkoak diren) bitarteko transakzio mota dela aipatu da.

Merkatu egoera arruntetean espekulazioak kapitala eta likidezia ematen dizio merkatuari, eta prezio gorabeherak leundum, baina burbuila ekonomikoak sortzeko arriskua ere badakarte (ikus, gainera, burbuila teknologikoak). Ezegonkortasun egoeretan, ordea, espekulazioak prezio gorabeherak areagotu egiten ditu, egoera normaletan sortutako burbuilak lehertzearen ondorioz.