Erabilgarritasun-ratioa enpresaren berehalako likidezia, zorrak ordaintzeko berehalako ahalmena alegia, aztertzeko erabiltzen den finantza-ratioa da. Honela kalkulatzen da:
![\[Erabilgarritasuna=\cfrac{Erabilgarria}{Pasiko korrontea}\]](https://gizapedia.hirusta.io/wp-content/ql-cache/quicklatex.com-ef9f6d79da548ce6aec3872aef7d8427_l3.png "Rendered by QuickLaTeX.com")
Gogoratu behar da erabilgarriak eskudirua eta berehala erabiltzeko saldoa duten banku-kontuak biltzen dituela.
Erabilgarritasun-ratioaren balio optimoak 0.25-0.3 ingurukoak izaten dira. Hortik behera enpresak arazoak izan ditzake berehalako zorrak ordaintzeko. Hortik gora berriz, enpresak gehiegizko likidezia luke, eta ondorioz eskura dituen berehalako finantza-baliabideak (eskudirua) alferrik galtzen ari dela, inbertitu gabe eta hortaz geldirik, adieraziko luke.
Hala ere, egun gutxi dira 0.25-0.3 balioetara heltzen diren enpresak, eta areago, enpresa gehienek 0 inguruko balioa dutela esan daiteke, berehalako zor eta obligazioak ordaintzeko kreditu-kontu bat erabiltzen dutelako. Horregatik, egokiagoa izan daiteke erabilgarritasun-ratioa kalkulatzean, erabilgarriaz gainera, erabili gabeko kreditua ere jasotzea.
Beste hizkuntzetan: gaztelaniaz, ratio de disponibilidad.
Erreferentziak
Zorpetze-ratioa enpresa baten egoera finantzarioa ebaluatzeko erabiltzen den finantza-ratioa da, pasibo galdagarria (besteren finantzazioa, alegia) ondare garbiarekin (fondo propioekin, alegia) zatituz kalkulatzen dena.[latexpage] 
Bi ratiotan…
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
