Eguraldia (definizioa)

Eguraldia edo eguraldi atmosferikoa toki eta une jakin batean atmosfera edo eguratsean dagoen giro meteorologikoa da, gizakiak bere zentzumenen bitartez edo neurgailu batean jasotakoa. Tenperatura edo hozberoa, presio atmosferikoa, hezetasuna, haizearen indarra eta norabidea, eguzkia edo lainoa dagoen eta prezipitazio kopurua eta mota (euria, elurra) barnehartzen ditu.

Ohikoa da jendartean eguraldiaren eta klimaren arteko nahastea, baina guztiz kontzeptu desberdinak dira: eguraldia une jakin batean dagoen giroa den bitartean, klimak toki batean eguraldiak erakusten dituen erregulartasunak dira, gehienetan urtaroen araberakoak. Adibidez, Donostian egun batean elurra egiten badu, eguraldiaz ari gara, baino hortik ezin dugu esan elurra Donostiako klimaren ezaugarria denik, horretarako neguan egun askotan egin beharko bailuke elurra.

Ikus, gainera

• Aire-masa eta ekintza guneak
• Eguraldi motak
• Jet-korrontea