Desagrarizazioa ekonomia batean nekazaritzak eta abeltzaintzak duten pisua galtzea da, industriaren eta zerbitzuen mesedetan, Barne Produktu Gordinera sektore haiek dakarten zatiaren eta enpleguaren jaitsieran islatzen dena. Desagrarizazioa nekazaritzaren produktibitate eskasaren ondorioz gertatzen da, bigarren eta hirugarren sektoreko jarduerekin alderaturik balio erantsi txikiagoa izateagatik; hartara, gehienetan industrializazio eta tertziarizazio-prozesuen ondorioz geratzen dela esan daiteke. Izan ere, desagrarizazioa herrialde bateko garapen ekonomikorako ezinbesteko baldintza dela esaten da. Espainian, adibidez, 1960ko hamarkadan nekazaritzak BPGaren %30 zekarren bitartean, XXI. mendearen hasieran %6 ingurukoa da. Hala eta guztiz ere, desagrarizazioak ondorio kaltegarri zuzenak ditu landa eremuetan: nekazaritzarekin eta abeltzaintzarekin loturiko diru-sarrera eta soldaten jaitsiera, langabeziaren gehikuntza, eta azkenean emigrazioa eta lurralde hustutzea.
Ikus, gainera
Beste hizkuntzetan: ingelesez, deagrarianization; gaztelaniaz, desagrarización.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
