Dependentzia energetikoa edo energia dependentzia herrialde edo eskualde baten lehen mailako energia iturrien inportazioak dira, iturri horien kontsumo totalari buruz. Merkataritza balantza kaltetzeaz gainera, dependentzia energetikoak ezegonkortasunak sorrarazten ditu energiaren hornikuntzan eta prezioetan. Ezinbestekoa den trantsizio energetikoa garatzeko dependentzia energetikoa murriztu beharko da ezinbestean, eta horretarako herrialdeek eta eskualdeek lehen mailako energia iturri horien ekoizpena sustatu behar dute, bereziki energia berriztagarrien ekoizpena garatuz (lehen mailako energia iturri ez berriztagarriak agortzen ari direnez) eta kontsumoa gutxituz eta horren efizientzia hobetuz. Hala eta guztiz ere, egun Euskal Herriak, Espainiak, Frantziak eta Europak orokorrean dependentzia energetiko maila handia izaten jarraitzen dute, lehen mailako energia iturrien zati handi bat inportatu behar dutenez, petrolioa eta gasa, bereziki.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
