Berlingo Konferentzia

Berlingo Konferentzia 1884 urtearen bukaeratik 1885 urtearen hasierara Berlin hirian garatu zen nazioarteko batzarra izan zen, non potentzia inperialista europarrek Afrika kontienentearen zati handiena beraien artean banatu zuten, euren asmo kolonialistak eta inperialistak garatze aldera. Batzarrean Alemania, Erresuma Batua, Italia, Frantzia, Espainia, Belgika, Portugal eta Otomandar Inperioko agintari eta ordezkariek hartu zuten parte alde batetik, denak interes zituztenak Afrikan, eta Estatu Batuek eta beste estatu batzuek bestetik, batzarrari zilegitasuna emateko (Estatu Batuek beto eskubidearekin hartu zuten parte). Horren emaitza ia mende bateko kolonialismoa izan zen Afrikako zati handienean, eta bertako historia eta kulturekin zer ikusirik ez zuten mugal lerrozuzen batzuk, egun ere indarrean jarraitzen dutenak.