Batukaria

KategoriakEstatistika

Batukaria hainbat zenbaki edo bestelako adierazpenen batuketa indexatua adierazten duen ikur matematikoa da. $\Sigma$ (sigma) letra greko maiuskulaz adierazten da:

$\sum_{i=1}^nx_i=x_1+x_2+\ldots+x_n$

Batuketa egitean lehen baliotik ( $i=1$ ), bigarrenera ( $i=2$ ) igarotzen gara, eta horrela hurrenez hurren, azkenekora ( $x_n$ ) heldu arte.

Batukariak laburrago ere adieraz daitezke:

$\sum_{i=1}^nx_i=\sum_{i}x_i=\sum x_i$

Bereziki estatistikan erabiltzen den ikurra da, non formula asko eta asko batukariaren bitartez adierazten diren (batezbesteko artimetiko sinplea, adibidez, eta formula erraz bat emateagatik).

Batukariaren propietateak

$k$ konstante baten baturari buruz,
$\sum_{i=1}^nk=k+k+\ldots+k=nk$
Batukariaren barruan bidertzen duten konstanteak batukaritik kanpora atera daitezke. $k$ konstante izanik,
$\sum_{i=1}^nkx_i=kx_1+kx_2+\ldots+kx_n=k(x_1+x_2+\ldots+x_n)=k\sum_{i=1}^nx_i$
Batukari barruko baturak batukari ezberdinetan bana daitezke:
$\sum_{i=1}^n(x_i+y_i)=\sum_{i=1}^nx_i+\sum_{i=1}^ny_i$
Batukari bikoitzak ere izaten dira, matrize gisako datuetara aplikatzen direnak, batuketak zutabez zutabe edo errenkadaz errenkada eginez:
$\sum_{ij}=(x_{11}+x_{21}+\cdots+x_{n1})+(x_{12}+x_{22}+\cdots+x_{n2})+\cdots+(x_{1m}+x_{2m}+\cdots+x_{nm})$

385 hitz

Batukaria

Batukariaren propietateak

Artikulu bat eskatu

Harpidetu zaitez

Batukaria

Batukariaren propietateak

Loturiko artikuluak

Artikulu bat eskatu

Harpidetu zaitez