Batezbestekoaren errore estandarra lagin batezbestekoaren desbideratze estandarra da, lagin bat zenbateraino den populazio osoaren adierazgarri islatzen duena: zenbat eta errore txikiagoa, lagina orduan eta adierazgarriagoa da. 
populazioaren desbideratze estandar ezagunarekin, honela kalkulatzen da:
![\[\sigma_{\overline{x}}=\cfrac{\sigma}{\sqrt{n}}\]](https://gizapedia.hirusta.io/wp-content/ql-cache/quicklatex.com-f61e39f0ffaeb2049b94cd39bdf069aa_l3.png "Rendered by QuickLaTeX.com")
Adibidez, 10eko desbideratze estandarra duen populazio batean, batezbestekoaren errore estandarra hau izango da 10, 50 eta 100 tamainako laginetan:
![\[\sigma_{\overline{x}|n=10}=\cfrac{10}{\sqrt{10}}=3.16; \ \sigma_{\overline{x}|n=50}=\cfrac{10}{\sqrt{50}}=1.41; \ \sigma_{\overline{x}|n=100}=\cfrac{10}{\sqrt{100}}=1\]](https://gizapedia.hirusta.io/wp-content/ql-cache/quicklatex.com-fb33c62986323ecb89980bdf34b3bfcc_l3.png "Rendered by QuickLaTeX.com")
Ikusten denez, lagin tamaina zenbat eta handiagoa orduan eta errore txikiagoa da, lagin tamaina handiak lagina adierazgarriagoa izatea dakarrenez, intuitiboki ere pentsatzen den bezala.
Batezbestekoaren errore estandarrak lagin bat populazio baten zenbateraino den adierazgarria islatzen duen bezala, lagin bateko desbideratze estandar soilak banakako datuek laginari buruz duten adierazgarritasuna neurtzen du.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
