Aurreikuspenak edo prebisioak etorkizunean fenomeno edo arlo jakin batean izango denari buruzko iragarpenak dira. Maiz, aurreikuspenak eta aurresanak nahastu edo sinonimotzat hartzen dira, biak kontzeptu desberdinak diren arren: aurresana iragarpen zehatza da, aldagai edo aldagai multzo bati buruz, datu historikoetan, denbora-serieetan edo aldagaien arteko erlazioan oinarrituta; aurreikuspenak, berriz, iragarpen zabalagoak dira, eszenatoki edo egoera bat nolakoa izango den iragartzen duena, eta iraganeko informazioaz gainera, aurrera begiratzeko ahalmenean eta etorkizunerako ezarrita dauden asmo, helburuen arabera.
Aurreikuspenak epearen arabera bereizten dira, epe laburreko aurreikuspenak hilabete batzuetara izaten dira, urtebetera gehienez. Epe ertaineko aurreikuspenak, berriz, hiru urtera izaten dira, eta hortik aurrera epe luzerako aurreikuspenak egiten dira.
Beste hizkuntzetan: ingelesez, foresight; gaztelaniaz, previsión.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
