Puntu gorriek osatzen duten joera linealean oinarrituta, estrapolazioa egin da puntu urdinean.

Estatistikan, estrapolazioa eskura dauden datuen joeran oinarrituta, datu horiek osatzen duten tartetik kanpoko puntu batean aldagai horren balioa estimatzea da. Adibidez, azken urteotako salmentak 12-23-31-44-53 izanik, datorren urterako aurresan egoki bat, estrapolazio bat eginez, 63 izan daiteke gutxi gorabehera. Estrapolazioan oinarritutako aurresanak ez dira fidagarriak izaten, aurreko joera edo bilakaera bat eremuz kanpoko datuetarako ere errepikatuko dela suposatzen baitu.