Atoloiak

Atoloiak tropikoetako itsasguneetan sortutako koralezko uharteak dira, eraztun tankerakoak, erdian ur gaizko urmaela dutenak. Uhartea eratzen duen eraztuna jarraia izan daiteke, itsasoko ura urmaelera sartzen den etengune batzuekin; edota elkarrengandik oso gertu dauden uharte txiki batzuek eratua izan daiteke.

Bi hipotesi nagusi daude atoloien eratzeari buruz:

• lehenak Charles Darwinek proposatu zuen; horren arabera, indar tektonikoen bitartez jatorri bolkanikoa duen uharte bat hondoratu ahala, ertzeetan sortzen diren uharri edo arrezifeek sortutako uharteak dira atoloiak;
• bigarren hipotesi modernoago baten arabera, uharte karstikoen erdialdean euri-uren eraginez gertatzen den disoluzio desegite azkarraren ondorioz sortzen dira atoloiak; ertzeetan desegitea motelago gertatzen da, itsasoko uren presentziaren ondorioz, uharrien hazkundea eta epe luzera atoloiaren eratzea ekarriz.

 

 

eraztun formako uharteak dira, koralezko uharriek eta uharte txikiagoek osaturikoak, urez beteriko erdiko depresio baten inguruan. Jatorri bolkanikoa dute. Bereziki Ozeano Barean kokatzen dira, eta bakan batzuk Indiako Ozeanoan eta Ozeano Atlantikoan.