Modelatze karstikoa

Modelatze karstikoak sortutako lenar izeneko forma geologikoa. Kredituak: Corso- Wikimedia Commons.

Modelatze karstikoa, modelatu karstikoa edo erliebe karstikoa kareharrizko eremuetan sortzen den paisaia berezia da, kareharriak urarekin erreakzioa egin eta disolbaturik sortzen dena. Azkenean, kareharria higatu egiten da, hainbat modutara, eta forma geologiko anitz sortzen ditu, hala nola, kobazuloak, dolinak, poljeak, arroilak, ... Karbono-dioxidoa daraman urak kareharriarekin eragiten duen erreakzioa karbonatazioa da, kareharria bikarbonato bihurtu egiten duena. Bikarbonatoa disolbatu egiten da uretan, eta horrela harriaren meteorizazio kimikoa gertatzen da, harria deseginez. Harria desegitean sortzen diren forma geologikoak lur barenekoak (leizeak edo kobazulo bertikalak, galeriak edo kobazulo horizontalak, estalaktitak, estalagmitak, aretoak) eta kanpokoak (dolinak, lenarrak eta arroilak).