Nazio Askapenerako Mugimendua

Nazio Askapenerako Mugimendua edo Nazio Askapeneko Mugimendua nazio edo herri baten autodeterminazioaren, independentziaren eta subiranotasunaren aldeko mugimendu politikoak bere buruari eman izan dion izendapena, herri edo nazio hori potentzia kolonial eta inperialista baten aurka. Nazio Askapanerako Mugimenduak XIX. eta XX. mendeetan garatu dira bereziki, XIX. mendean Latinamerikan eta XX. mendean Afrikan eta Asian, potentzia nazionalen aurka. Potentzia kolonial eta inperialistak askapen mugimenduaren eta herriaren aurkako errepresioa dela eta, askapen nazionaleko mugimendua matxinada eta guerrillaren bitartez garatu izan dira gehienetan, eta maiz klase borrokatzat ere hartu da, herri zapalduaren eta atzerriko oligarkia zapaltzailearen artean, bereziki XX. mendeko bigarren erdialdeko deskolonizazio prozesuetan.