Arrazoi-eskala (ratio-eskala, proportzio-eskala)

Arrazoi-eskala, proportzio-eskala edo ratio-eskala bi elementuen artean bata bestea zenbat bider handiagoa motako konparazioa egitea ahalbidetzen duen neurketa-eskala da. Hori horrela, neurketa-eskala guztietan  maila handieneko eskala da, eskala nominal, ordinal eta tarte-eskalaren aldean, funtzionalitate guztiak eskaintzen dituen eskala den heinean (bi elementuak berdinak edo ezberdinak diren, bata bestea baino handiagoa den eta zenbat handiagoa den zehazten baititu).

Adibide gisa, arrazoi-eskala da  ikasle baten kalifikazio kuantitatiboa (8 lortu duen ikasleak 4 lortu duenaren bikoitza lortu du, baina ez ordea tarte-eskalaren araberakoa den tenperatura Celsius gradutan (8 gradu ez 4 gradu baino bi bider epelagoa).

Aurreko adibideetatik esan daiteke arrazoi-eskalaren ezaugarri nabarmenena zero absolutuaren existentzia dela, zeroak elementuari buruz neurtu nahi den propietatetik ezer ez duela adierazten duelarik. Adibidez, zuhaitz baten altuera metrotan jasotzen denean, arrazoi-eskala erabiltzen ari da, 0 metroko altuera ezereza da, eta beraz 10 metroko zuhaitza 5 metroko zuhaitza baino bi bider altuagoa dela esan daiteke. Arrazoi-eskalaren beste ezaugarri bat har ditzakeen balioen esparrua da: orokorrean, arrazoi-eskalek ez dute balio negatiborik hartzen.