Amortizazio teknikoa, amortizazio ekonomikoa edo amortizazio produktiboa denboran zehar ibilgetuak izaten duen balio-galera kontabilitatean jasotzea da. Izan ere, ibilgetua ekoizpen-prozesuan erabiltzeagatik edo besterik gabe denbora pasatzeagatik higadura eta ondorioz balio-galera du, enpresak amortizazio gisa kontabilizatu behar duena. Amortizazio teknikoa autofinantzazio edo finantzazio iturri propiotzat hartzen da, enpresak bere baliabideak atxikitzen dituelako balio-galera hori jasotzeko.
Adibide gisa, enpresak 4000 euroko makina bat erosten duenean, 4000 euroko ibilgetua jasotzen du aktiboan, baina 4 urteren buruan makina hori baliagarria ez dela izango irizten bada, 4 urte horien buruan aktiboak ez egiazko baliorik izango; balio-galera 4 urtetan zehar gertatu denez, urtero gastu hori jasotzea litzateke egokiena, urtero 1000 euroko amortizazioa eginez esaterako.
Aktibo baten balioa, hari egindako amortizazio metatua kenduta, aktibo horren kontabilitate-balio garbia da.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
