Zinikoak K.a. IV. mendeko eskola filosofiko sokratiko bat izan ziren, bereziki haien etika eta bizimodu aszetiko eta sinpleagatik ezagunak, naturari jarraiki bizitzea aldarrikatzen zutenak, moralari kasurik egin gabe. Euren etika puntu komunak ditu estoizismoarekin; hain zuzen, estoizismoaren aitzindari izan zen Zenon Zitiokoa zinikotzat ere hartzen da. Izena antzinako grezierazko kunikos hitzetik datorkie, "txakurrak bezalakoak", hipotesi baten arabera txakurrak bezala bizi baitziren haien herrikideen arabera. Lehen zinikoa Antistenes izan zen, Sokratesen ikaslea. Antistenesen ikasle izan zen Diogenes Sinopekoa, historian ziniko ospetsuena. Beste ziniko batzuk izan ziren Krates, Diogenesen ikaslea, Hiparkia Maroneakoa, lehen emakume zinikoa, Metrokles Maroneakoa, Hiparkiaren anaia eta Kratesen ikaslea, Menipo, Demonax, Bion Boristenesekoa, Menipo Gadarakoa eta Teles.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
