Zingirak

Zingirak ur geldi eta uherrez gainezkaturiko lur eremu lauak dira, gehienez metro bat inguruko sakonerakoak, aintzira edo ibai batek elikatuak, gehienetan euri ugariko klima epel edo hotzetan. Haietan, landaredia hidrofiloak hazten dira gehienetan, batzuetan oso trinkoa izan daitekeena, zuhaitz nahiz belar motakoa. Zingirako ohiko azidotasunaren ondorioz gertatzen den materia organiko ugariaren deskonposizio motelaren eta bestelako prozesu fisikokimikoen ondorioz, ohikoa da zingirak zohikatz eta zohikaztegien sorgune izatea. Azkenik, aintzira, padura eta mangladiekin batera, zingirak hezegune saileko ekosistemetan biltzen direla esan behar da.

Beste hizkuntzetan: gaztelaniaz, pantano, ciénaga.

Ikus, gainera

• Lokaztiak
• Padurak
• Urmaelak